👭銅鑼灣新開花藝主題少女心Cafe

銅鑼灣百樂中心又有新開樓上Cafe✨餐廳以花藝為主題🌸一入餐廳已經見到勁大幅花牆，仲有鳥籠座位、粉紅電話亭等特色打卡位🤍花牆仲會定時轉換英文名，大家有機會撞正自己/朋友個名㗎😍佢地仲係一間共融餐廳，聘請社會上一班弱勢社群💪🏻嘢食有提供全日早餐、小食、特色飲品、甜品等等，味道都唔錯架😊

_ 🦞龍蝦湯 $58 🎃南瓜湯 $38 兩款味道都唔錯，小編同朋友都係鍾意南瓜湯多啲，味道甜甜地好順滑🥰

🧀芝士雞軟骨 $68 好香脆炸粉不會太厚，不過小編就唔係太鐘意佢個芝士醬，同雞軟骨唔算太夾

🐷慢煮豬鞍扒配蜜梨沙沙 $268 豬鞍扒脂肪分布平均，食落去有咬口! 小編幾鐘意佢地個蜜梨沙沙醬都幾特別，酸酸甜甜有助減低油膩感，值得一試😀

🍗和風香燒雞 $228 原隻燒雞外皮香脆，肉質如果再滑啲會更好，配上薯條好惹味🍟下次有機會試埋佢地其他野食先🤗

🍓小熊粒粒草莓牛奶 $68 🌹玫瑰菊花畫茶 $68 飲品方面，之前見倒佢地個熊仔特飲已經好想試😀兩款都好啱打卡😜草莓牛奶唔會有藥水味，飲落去酸酸甜甜幾開胃🤓花茶個杯好靚，味道清新🤩

🥪熔岩石山 $78 甜品方面除咗多士仲有心型窩夫🧇今次食既呢款甜品有抹茶+紅豆內餡/朱古力+Nutella內餡口味選擇🍫份量都幾多，2個人share好充足! 一切開就有熔岩流心效果🌊仲有杯雪糕一齊食好滿足

_ 地址🗺 就是偏偏喜歡你 @sayiloveyouhk 銅鑼灣耀華街3號百樂中心16樓02-03室 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩