🌿西營盤湖水綠色中西合壁Cafe

講起西環西營盤一帶其實都有唔少Cafe㗎，呢間Cafe小編係佢哋新開既時候黎過一次，最近原來佢地西環分店轉咗型變咗中西合璧嘅cafe!仲多咗好多主食，小編今次同朋友都有叫咗幾款黎試，味道唔錯㗎

_ Brunch time主菜會包湯同飲品

龍蝦pancake $138 甜既班戟大家食得多，鹹既班戟大家又鐘唔鐘意呢？Pancake食落去好鬆軟，配上明太子龍蝦沙律醬好香好夾，半邊香煎龍蝦幾彈牙亦有膏

香煎鵝肝安格斯漢堡配薯條 $138 本身擔心鵝肝同漢堡夾埋食會唔會好膩，估唔道又幾夾!安格斯漢堡扒夠厚身之餘牛味幾濃。漢堡包亦好香牛油味，薯條炸得好香脆

辣酒煮藍青口 $80 講起用左煲仔上有中西融合既感覺，青口份量充足，食落好惹味

鹹蛋脆雞翼 $60 鍾意食鹹蛋黃嘅朋友仔一定要試吓，食落外皮香脆雞肉夠滑!面頭鋪滿鹹蛋黃好香囗

蘋果金寶配雪糕 $78 蘋果金寶即叫即焗上枱熱辣辣，配上冰凍既雪糕有種冰火相融既感覺

抹茶拿鐵 $42 上枱既時候漸層好靚，打卡一流，飲落去比較重奶香

粉紅玫瑰花茶 $48 留意番呢套茶飲套餐唔包既，玫瑰花味好香，有助助膩

_ 地址 The Third Bakery 西環東邊街40號金石樓地舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇