🍰再訪土瓜灣小店 新推開心果千層蛋糕

話說之前已經介紹過呢間位於土瓜灣既西餐廳，上次食既時候同朋友都覺得味道唔錯!前排去開附近決定再嚟食個下午茶，去到先知原來餐廳keep住有更新餐牌，除咗招牌卷蛋，小編今次都叫試咗新品同嘢食，味道同樣有驚喜! _ Nonsense All Day Breakfast $138 All day大家應該食得多，今次呢個輕型版既全日早餐就岩曬追求健康或者減緊肥既朋友仔! 材料包括慢煮雞胸配日式芝麻醬、無花果雞蛋雜菜沙律、牛油果同乳酪杯，特別一讚慢煮雞胸食落去肉質剛剛好不會太鞋，乳酪杯酸酸甜甜甜幾開胃!

避風塘日本小茄子 $68 有冇朋友仔同小編一樣鐘意食茄子之餘又鐘意重口味既野食呢?咁呢個小茄子就岩晒你啦，大量炸蒜鋪面好香口， 同平時食開嘅茄子唔同佢係比較細條，值得一試

香煎日本帶子黑松露雜菌意粉 $138 大大粒帶子好滿足，小編幾鐘意個黑松露味剛剛好，意粉食落有咬口

開心果千層蛋糕 $58 黎到今次既新品! 忌廉重奶香，開心果粒食落口感十足，成個蛋糕cream好足料，不過小編就覺得餅皮可以厚返少少，成個千層蛋糕既layer會更加突出

蝶豆花草莓日式卷蛋 $58 上次已經介紹過佢地既卷蛋，今次就叫咗第二隻味，卷蛋好鬆軟d cream唔會好膩，黎到推薦大家試哂佢地既卷蛋

Coco blue $58 今次都叫咗兩杯mocktail 試吓，黃藍漸變效果打卡一流，仲有菠蘿果蓉㗎

Pink Grapefruit Guava lemonade $58 小編就鐘意呢款多啲，西柚配梳打好少會係伏，味道酸酸地好清新，有助解膩

_ 地址 Nonsense 土瓜灣北帝街143-155號順輝大廈地下4號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇