🌸荃灣新開台式餐廳 絕美櫻花樹海打卡靚

荃灣又開新餐廳啦！早排小編行開千色店既時候經過見到原來千色匯開左間台灣餐廳，所以決定一試!餐廳入面既裝潢好靚~粉紅櫻花樹海同門口既木屋仔都啱晒打卡!餐廳仲提供埋張卡仔俾大家寫自己既願望落去，再掛喺樹上面!

餐廳選擇都好多，仲有全日一人套餐，不過講到最吸引就緊係佢個招牌九宮格拼盤，價錢都算貴，值得一試! _ 晚市2人套餐 $198/2位 招牌九宮格拼盤 打卡一流! 九宮格內有多款台式小食，包括有鹽酥雞、花枝丸、甜不辣、醉雞、滷水蛋、肉鬆豆腐、肉燥燙青菜、香腸同椒鹽豆腐。咁多款入面小編最鍾意既係醉雞，食落去好香花雕酒味，雞肉都好滑!另外鹽酥雞夠脆份量充足，如果大家係想咩都試吓既話呢個幾岩大家

主食三選二 櫻花蝦炒飯 魯肉飯 紅燒湯麵 魯肉飯既辣菜脯好香口，不過小編就覺得個魯肉粒唔夠入味，飯食落去冇咩味

紅燒湯底幾濃郁，配埋榨菜酸菜一齊食更加香口!麵質幾特別用咗刀削麵，幾有咬口

套餐包咗是日台式飲品，另外都可以半價轉飲其他飲品，是日飲品係巷樂紅茶，味道不會太甜，有助解膩

最後同朋友仲叫咗款甜品試吓，小編見倒隔離枱食既台式雪花冰都好吸引，下次有機會試試先!今次叫既綜合水果芋泥窩夫 $78 味道都唔錯，心型士多啤梨睇倒都心心眼，芋泥更綿身會比較好。

_ 地址 別忘了 Don't Forget 荃灣眾安街68號千色匯一期2樓2032鋪 ________________________________________ 想知更多飲食玩樂資訊？即刻Follow @sohyeon_sharing 留意最新推介喇