尖沙咀新開高質足料甜品店🍮

同朋友係尖沙咀食完飯都想食埋個甜品先番屋企!最近尖沙咀就開咗一間靚靚甜品舖，餐廳環境以湖綠色作為主調，坐得好舒服。另外值得一讚店員幾有禮貌，都有主動同我哋介紹佢哋嘅招牌甜品!

_ 蜜瓜爽冰 $52 芒果爽冰 $52 士多啤梨爽冰 $52 龍眼爽冰 $59 聽店員介紹佢哋嘅爽冰係冇加人造色素，再配埋椰果同水晶珠，食落去口感豐富，味道唔會太甜！夏日炎炎食返杯真係透心涼 小編最愛龍眼爽冰，竟然仲話佢哋一杯用咗三十幾粒製作而成，夠晒足料又清新!

芒果奶昔雙皮奶 $59 鍾意食芒果嘅朋友仔一定要試吓！呢款甜品由三層組成，頂層係原片芒果、中層係芒果冰、底層係雙皮奶!雙皮奶食落好滑，芒果冰係用新鮮芒果打成，整體感覺好清新

杏仁茶燉蛋白️ $45 杏仁茶就食得多，配埋燉蛋白就真係好少見，呢碗真係夠曬滋潤美顏!店員話杏仁茶由南杏加少少北杏攪拌隔渣再擠出杏汁而成，杏仁味好出，燉蛋白好滑，值得一試

抹茶湯圓 $42 又係店員推介所以叫咗黎試吓!湯底落咗少少桂花好清新，抹茶爆曬出嚟又唔會太甜

想飲嘢嘅朋友仔仲可以試吓佢哋嘅吸吸特飲，同樣使用爽冰製作而成

_ 地址 Almond Dessert 尖沙咀加拿分道40-46號香檳大廈地下6號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇