新蒲崗CP值高自選部位石燒牛

前排同朋友經開新蒲崗嘅時候見到喺Mikiki開咗一間石燒牛專門店，餐廳以自助形式運作，主打當然係石燒牛，有提供六款不同牛嘅部位選擇，價錢會因應重量而定價，另外可以再加$28轉套餐任選三款配料，今次同朋友除咗石燒牛都叫咗佢哋嘅丼飯試吓，性價比唔錯！

小編就揀咗200g嘅肉眼 $72，店員會即時係你面前切肉！配料方便就揀咗蒜油，另外套餐配沙律、飲品同麵豉湯。上枱嘅時候肉眼扒已經大約五成熟，再放喺熱辣辣嘅鐵板上面，旁邊亦有啲香甜粟米!肉眼食嘅時候仍然粉嫩，估唔到呢個價錢質素都唔錯

丼飯方面小編嘅朋友就叫咗個鰻魚丼 $60 鰻魚汁好惹味，飯底都會有汁所以唔使驚話食到最後得返白飯。鰻魚食落去唔算太多骨，份量都比想像中多，大家下次嚟到新蒲崗不妨試吓啦

_ 地址 岩盤牛扒ミディアムレア ステーキ 新蒲崗太子道東638號Mikiki LG樓9-10號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇