️錦田城門隱世韓式小清新Cafe

話說呢間Cafe新開既時候小編已經bookmark咗話想去，不過因為少入元朗所以講咗好耐都未去🤦🏻‍♀️最近終於同朋友去咗!門外既木門加上櫻花走日系裝修，店內則是韓式小清新風格。店面比較細，只有4張枱! 特別之處係到處擺滿鮮花同乾花擺設，加上播住韓文歌有種置身於韓國既感覺♡小編今次坐咗近門口個窗口位，透光入嚟影相真係好靚

_ 鹽燒鯖魚定食 $68 總係覺得日式定食有種儀式感，呢個鹽燒鯖魚 性價比幾高，外皮香脆配上麵鼓湯同白飯齊食好滿足♡

藍莓芝士蛋糕 $48 是日蛋糕日日都唔同㗎，另外仲有瑪德蓮供應，大家可以先詢問一下店員 食落去芝士味唔算好濃，食落去唔會過膩

玫瑰花梳打 $48（惠顧食品加配半價+$24） 佢哋有提供多款梳打，玫瑰花酸酸甜甜幾開胃，旁邊仲有半杯瓶裝梳打水可供refill

大禹陵高山烏龍$48（惠顧食品加配半價+$24） 茶壺同茶杯都超級靚，打卡好靚! 飲既時候帶有啖啖烏龍茶香，幾清新有助解膩

另外去果時其他客好好人比小編影佢哋個位，都有快快手影一影佢哋既嘢食 日式燒雞扒胡麻冷烏冬$78

餐廳淨係接受預約，記得去之前用whatsapp預約座位啦 _ 地址 CHIT CHAI PRIVATE STUDIO 元朗錦田城門新村63C號地舖位 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩