☘️觀塘法國色彩打卡Cafe 必試甜入心忌廉班戟

記得INN喺荔枝角開既時候同朋友食過一次!最近聽朋友講知道原來觀塘裕民坊都開咗間新分店，除咗室內位置仲有埋室外位置，室外仲有個打卡位可以比大家影吓相!裝修同其他分店一樣同樣帶有法國色彩，以白色同木色為主調，加上水晶燈同綠色植物，可以好舒服咁同朋友食吓嘢傾吓計

_ 🥠法式班戟-肉桂蘋果、杏仁片、焦糖忌廉班戟 $78 餐廳有提供四款口味既班戟，擺盤幾精緻打卡一流 整體不會太甜，滿滿既杏仁片增加了口感，配上忌廉食會較軟滑

法式雞胸肉配亞菲多忌廉汁扁意粉 $118 忌廉汁唔係好膩果隻，扁意粉煮得剛剛好食落有口感，雞胸肉不會過鞋

🦞法式焗波士頓龍蝦配龍蝦汁意大利飯 $158 鐘意食龍蝦既朋友仔一定要試吓，半隻龍蝦肉質爽彈，配埋面頭既芝士好惹味！意大利飯充滿龍蝦汁夠香口軟硬程度剛剛好，值得一試

情迷巴黎香樹 $48 派對白桃烏龍茶 $48 今次都有叫咗佢哋兩款花茶試吓，情迷巴黎香樹飲落酸酸甜甜甜幾開胃，帶蘋果、士多啤梨及提子香!另一款白桃烏龍味道則較清新

_ 地址: INN - I’m Not Nothing 觀塘協和街33號裕民坊YM² 2樓205號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩