🎋九龍灣必食性價比高日式竹筒飯

之前見過好多人介紹呢間位於九龍灣主打日式竹筒飯既呢間日式餐廳!bookmark咗咁耐終於襯同朋友去開Megabox行街嚟咗食晏，環境乾淨企理，加上一啲充滿日本風既擺設都有少少去咗日本食堂既感覺。餐牌亦有多款選擇，值得一試

_ 火灸穴子竹筒飯 （海鰻）$79 月見黑豚腩竹筒飯 $79 竹筒飯定食已經包咗前菜（螺肉、魚乾同醃漬蜆肉）、茶碗蒸、土瓶湯同甜品褔餅 擺盤好精緻打卡一流，小編今次坐咗係餐廳中間既長枱位置，望住啲竹食飯好有去咗日本既感覺!

茶碗蒸上面有個芡汁有助增加鮮味，入口好滑 土瓶湯湯底清甜，自己倒出嚟好過癮，入面仲有一粒蜆肉 前菜小編最愛螺肉!爽口好惹味，醬汁夠開胃

講番主食先，竹筒飯係香港真係好少食。今次係叫咗個平少少既鰻魚海鰻，鰻魚醬汁香甜質素就正正常常，小編比較鐘意黑豚腩，肥瘦均勻有層次感，配上日本生雞蛋一齊食好滿足！ 食完當然要食埋個甜品!福餅小編覺得甜咗少少不過口感軟糯煙韌 _ 地址 竹虎京堂Taketora Bamboo 九龍灣宏照道38號Megabox 10樓4 號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇