尖沙咀人氣高質西餐廳 超有Heart的甜品擺盤❤️

話說朋友之前食過呢間位於尖沙咀厚福街既西餐廳話味道唔錯！今次襯去開尖沙咀行街就約埋朋友一齊去試吓，環境唔算好大。我哋係平日晚上時段黎都爆滿，建議大家可以預先打電話訂座! _ 🥗香煎帶子無花果辣肉腸沙律 $138 首先要讚吓佢哋個擺盤好精緻，打卡一流 呢個沙律沙律夠新鮮，配埋清甜既無花果、車厘茄一齊食好開胃，比較特別嘅係辣肉腸帶鹹香食落幾特別，另外上面仲有三粒帶子️

_ 法式香草牛油焗田螺 $108 有冇朋友仔同小編一樣鍾意食田螺呢？上堂嘅時候熱辣辣！田螺配上煙肉焗薯蓉一齊食好滿足

_ 日本原個鮮果雪葩 （桃）$88 網上見到好多人都推介呢個雪葩，今次就揀咗白桃味，食落去酸酸甜甜好清爽，外層仲係用咗白桃肉，夏日炎炎食番個透心涼

精選芝士蛋糕 $96 餐廳有提供多款蛋糕口味選擇，今次小編同朋友就揀咗宇治抹茶同提拉米蘇 特別推介提拉米蘇，食落去口感軟滑，另外兩款甜品都有用朱古力畫碟，好有心思㗎

水蜜桃果粒茶 $28 凍海鹽焦糖爆谷牛奶咖啡 $48 兩杯飲品味道都唔錯，牛奶咖啡打卡一流，面層嘅焦糖爆谷令到口感更加豐富，值得一試

_ 地址： Amitie Kitchen (尖沙咀) 尖沙咀厚福街8號H8 9樓 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩