土瓜灣高質小店西餐廳 創新自家製甜品好吸引

最近同朋友去開土瓜灣，朋友話之前黎過呢間餐廳食味道都唔錯，所以就決定去試吓! 呢間餐廳因疫情關係由酒吧慢慢轉型做fusion菜，前排仲請咗咖啡師同埋新推出甜品Menu，味道都唔錯㗎

_ 午市套餐包左餐湯同熱飲，是日餐湯喺手打西蘭花忌廉湯🥦飲落去好綿滑啖啖西蘭花蓉

香煎鵝肝黑松露雜菌意粉 $142 兩款意粉上枱嘅時候都係熱辣辣，雜菌意粉黑松露味濃郁，配埋煎得剛剛好既鵝肝食落好香口，鍾意食黑松露嘅朋友仔一定要試吓

喇沙海鮮炒意粉 $85 小編特別推介！食落去辣辣地好惹味，入面都有唔少海鮮包括彈牙蝦仁、蜆肉、魷魚等等，豆卜亦有吸倒曬喇沙香味好正🧡

Choose As You Wish 飲品方面餐廳亦有提供多款選擇，今次小編就聽店員嘅推介自選特色飲品！兩杯都好清新而且打卡一流㗎！第一杯使用蜜瓜、青蘋果同檸檬，上枱嘅時候店員會喺你面前燒下Rosemary香草!飲嘅時候好清爽，另外一杯就係士多啤梨，亦會附有梳打水比大家調教甜味！重點係蘋果木煙燻!打開蓋嘅時候記得打卡啦

丸久小山園抹茶日式卷蛋 $58 小店最近推出左自家製日式卷蛋，呢款抹茶卷蛋重茶香但沒有苦澀味！抹茶卷蛋、抹茶cream同抹茶醬為大家帶來三重滋味!卷蛋入口鬆軟，各位抹茶控必食🤩

法式特濃黑朱古力磚配雪糕 $58 特濃黑朱古力以少甜配方製作，適合配雪糕或咖啡一齊食，今次小編就配左士多啤梨雪糕，朱古力味濃郁，味道都幾特別

_ 地址: Nonsense (土瓜灣) 土瓜灣北帝街143-155號順輝大廈地下4號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩