荃灣有格調高質西餐廳 特色黑松露菌威靈頓牛柳

早排聽朋友推介話荃灣有一間高質西餐廳!最近趁住去荃灣行街所以就決定同朋友嚟試吓 餐廳環境唔算話好大，不過都坐得幾舒服，微暗嘅氛圍啱晒同情侶約會/朋友叫番杯酒飲下，食下野傾吓偈

_ 一坐低店員會放低餐包，有三款選擇，都做到外脆內軟，特別之處係會配埋黑松露牛油，口感綿滑，小編建議一定要配埋佢哋嘅脆多士一齊食

龍蝦忌廉濃湯 $88 見到網上都幾多人推介佢哋嘅湯所以就叫嚟試吓，龍蝦湯入面都有幾多龍蝦肉，飲落去味道濃郁，口感順滑

野菌忌廉湯配黑松露菌油 $78 鍾意食黑松露嘅朋友仔一定要試吓，黑松露味道濃郁，飲落去口感比較豐富

蘑菇配以意式辣肉腸薄餅 $138 薄餅係薄批，外皮夠香脆，芝士嘅份量都非常充足，有少少拉絲嘅效果，配埋辣肉腸一齊食好惹味️

黑松露菌威靈頓牛柳 $328 重點之處係會喺酥皮入面加上黑松露，食嘅時候會食到好香黑松露味，酥皮外層夠酥脆，牛柳仍然口感軟滑，不會太鞋，大家可以先打卡然後店員再會幫手切，非常貼心

House white wine (glass) $114 餐廳有提供多款紅酒白酒選擇，今次叫咗呢款配埋我哋叫咗嘅菜式好夾，入口順滑，都幾易入口

_ 地址: Vision 8 (荃灣) 荃灣兆和街34號永安樓地舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩