銅鑼灣環境闊落精釀啤酒餐廳 高質小食任你揀

有冇朋友仔鍾意飲手工啤酒呢？記得之前同朋友去過Madhouse嘅旺角店，一整排的tap夠晒壯觀! 最近得知佢哋喺銅鑼灣開咗新分店，空間感更大，仲設有戶外座🥰裝修以 carnival 為主題，手工啤同食物同樣出色!

_ 🥗香煎虎蝦沙律配鮮芒果 $86 夏日炎炎有陣時唔係太想食飯。今次就叫咗個沙律嚟試吓，虎蝦分量充足，食落去夠彈牙，配上新鮮嘅沙律菜同鮮甜芒果食落去酸酸甜甜好開胃

墨魚汁燴墨汁意麵配香煎三文魚 $118 鍾意食墨汁意粉嘅朋友仔一定要試吓，使用挪威壽司級三文魚，食落去香口惹味

🧆古祖味滷水拼盤 $169 呢個有驚喜！飲酒嘅時候食滷水原來都幾夾 拼盤內有四款滷水，包括：豬耳、豆腐、雞翼同鴨腎 小編好鍾意佢哋嘅滷水夠入味，滷水味道香濃，特別推介豆腐!餸酒一流。

_ Iced Fruit Tea 健康冰果茶 （跟餐附送） Lunch Set 附送一杯水果茶，味道幾清新 🥃手工啤 Strawberry session sour Apple Cider 由本地到外國的精釀啤酒應有盡有，總共多達20款🤩值得一讚店員有細心介紹各款啤酒口味 今次叫嘅兩杯手工啤入口同樣清新，重果味易入口

_ 地址 The Madhouse CWB | Taproom • Kitchen 銅鑼灣禮頓道29號華懋禮頓廣場地下2號舖 ________________________________________ 想知更多飲食玩樂資訊？即刻Follow @sohyeon_sharing 留意最新推介喇🤩