旺角樓上玩味十足cafe 大量board game任你玩

平時同朋友都鐘意去樓上Cafe食嘢，人少啲環境又舒服啲，同朋友慢慢食傾下計都唔錯架！今次就同朋友嚟咗呢間位於旺角既樓上Cafe。嘢食質素唔錯之餘仲有大量board game可以比一大班朋友一齊玩，值得一讚既係老闆娘超級熱情好客!整個用餐體驗不錯🧡

_ 🦐吉列海鮮拼盤 $168 一大班朋友嚟到就梗係要照返個拼盤一齊開心share啦 拼盤有齊酥炸魚柳、日式吉列炸蝦、黃金蟹鉗同帶子，旁邊仲有茄汁同沙律醬，小編特別喜愛黃金蟹鉗，外皮酥脆內裏彈牙，非常滿足

蜜糖雞翼$85 見到餐廳都有蒜香、蜜糖、墨西哥三款口味選擇，份量都唔少有八隻，食落去外皮重蜜糖香，內裏仍然保留肉汁

🥗挪威煙三文魚沙律$148 小編今次都有叫返個沙律試吓，煙三文魚嘅份量非常足料，配上沙律菜及車厘茄食落去好開胃清新，食咗咁多小食就梗係要食返啲菜中和下

🥣紅酒燴牛尾飯 $168 餐廳亦有提供晚市套餐，今次就試咗佢哋嘅紅酒燴牛尾，牛尾非常入味仍然有咬口，配上紅蘿蔔同醬汁同飯一齊食夠哂惹味

_ Oreo朱古力曲奇奶昔 +$28 餐廳有提供多款飲品選擇，小編推介大家可以試吓呢杯Oreo朱古力曲奇奶昔，飲落去啖啖曲奇香，雖然好邪惡不過真係好幸福

戴安娜 $58 另外小編都有叫到佢哋嘅花茶，呢款花茶採用 紫玫瑰花、紅玫瑰花同洋甘菊，味道清新有助解膩，聽聞亦能消除疲勞，啱晒平時工作繁忙嘅朋友

特濃朱古力蛋糕 +$16 餐廳有提供三款蛋糕，值得一讚呢個特濃朱古力蛋糕朱古力味濃郁，味道唔會話太甜，今餐同朋友們食到飽一飽，下次有機會再同朋友試吓其他菜式先!

_ 地址： Nardo‘s Cafe (旺角) 旺角彌敦道594-596號旺角新城8樓