上環抵食休閒咖啡店 可愛咖啡拉花

前排朋友食過呢間位於上環嘅咖啡店覺得味道唔錯，今次小編終於嚟試吓 裝修環境雖然冇其他打卡Cafe咁靚，環境俾人感覺乾淨舒服，食物選擇亦都比較多，以上環嚟講價位亦較為經濟，可以坐低同fd邊食嘢慢慢傾吓計

_ 今次同朋友係午市時段嚟食，菜單上菜式+$25可轉套餐，套餐包沙律/薯條，另外配上飲品，飲品都有很多款選擇，整體都幾抵食

🥗有機牛油果粟米煙三文魚沙律 $78 （跟餐$103） 沙律嘅份量都幾充足，牛油果同沙律菜夠新鮮，配上意大利醋、煙三文魚、粟米、車厘茄一齊食感覺清新開胃

百搭自選 $68（單併） $78（雙併）（跟餐單併$93，雙併$103） 餐廳亦有提供自選配搭，由醬汁、配料去到跟飯定意粉都可以由大家自行選擇 今次小編就揀咗牛肉咖喱汁吉列炸蝦意粉，吉列炸蝦外皮香脆炸粉唔算太厚，牛肉咖喱汁內有牛肉粒，小編覺得如果甜番少少會比較好

_ 飲品方面小編就揀咗店員推薦嘅手搖荔枝果茶，留意番餐牌上面冇寫🤣味道幾清新唔會話太甜，另外佢哋手搖果茶仲有士多啤梨、奇異果、柚子等等選擇

焙茶鮮奶 講到餐廳其中一個賣點就係佢嘅可愛拉花，所以小編都特登叫咗杯熱焙茶鮮奶試吓，貓貓拉花真係好可愛唔捨得飲，焙茶味香濃，值得一試

_ 地址 𝐎𝐧 𝐓𝐢𝐦𝐞 𝐂𝐨𝐟𝐟𝐞𝐞 & 𝐊𝐢𝐭𝐜𝐡𝐞𝐧 上環蘇杭街93號東利商業大廈地下2號舖 ________________________________________ 想知更多飲食資訊？即刻Follow @sohyeon_sharing 留意最新推介喇🤩