葵涌高質有水準西餐廳 環境舒適嘆美食

早排去接朋友收工諗住喺葵涌食晚餐，意外地發現咗呢一間主打生蠔嘅西餐廳，決定咗同朋友嚟試吓!餐廳環境以藍色作為主調，位置都幾闊落，可以好舒服咁同朋友傾吓計，另外值得一讚店員嘅服務都唔錯!整個用餐體驗良好

_ 一坐低店員先會放低餐包同牛油，外皮香脆食落都幾軟熟

澳洲藍青口配白酒紅花忌廉汁 $128 鍾意食青口嘅朋友仔絕對唔可以錯過，忌廉汁配上青口非常合襯，份量都唔少，旁邊亦配上香脆嘅蒜蓉多士，整體值得一試

🥩美國安格斯肉眼扒12安士 $298 餐廳有提供幾款牛扒選擇，今次小編同朋友就揀咗五成熟，上枱嘅時候色澤唔錯，食落唔算話好鞋，欣賞旁邊有炸蒜同蕃茄伴菜，有助解膩

🦪Irish Rich No3 $32 難得嚟到主打生蠔嘅餐廳就梗係要試吓佢哋嘅生蠔啦，小編嘅朋友話唔想食海水味太濃嘅生蠔，呢款味道都幾清新，食落都幾新鮮冇蠔殼碎，鍾意食生蠔嘅朋友仔可以叫埋其他款式試吓

餐廳亦有提供多款飲品選擇，今次小編就叫咗凍檸茶$43同可樂 $28，下次有機會再同朋友嚟試其他菜式

_ 地址： Oyster Moment (葵涌) 葵涌石文徑1號葵英樓地下G10號舖 ________________________________________想知更多飲食資訊？即刻Follow @sohyeon_sharing 留意最新推介喇🤩