荃灣北歐森林風打卡西餐廳 雀籠內嘆靚靚英式下午茶

前排見到網上有人推介荃灣有間西餐廳有做靚靚打卡英式下午茶! 價錢都幾抵食，最近終於同朋友嚟咗試啦🥳成間餐廳佈滿綠草同鹿仔 ️另外佢哋仲有兩個雀籠打卡位，今次小編同朋友有幸坐到，啱晒打卡

_ 英式下午茶 （兩位用）$268

咸點：明太子蟹肉酥盒、煙三文魚酸忌廉脆餅、單骨雞翼、雞尾酒蝦 小編覺得呢度嘅鹹點比較出色，首先雞尾酒蝦蝦肉彈牙，餐廳已經事先將蝦殼移除，食起嚟嘅時候更加方便!另外推介明太子蟹肉酥盒，外皮酥脆不油膩

甜點： 雜果一口班戟、迷你蛋糕、馬卡龍、焦糖燉蛋、日本蛋卷、提子鬆餅 甜點方面就正正常常，提子鬆餅有提供兩款果醬及牛油🧈小編推介佢哋嘅焦糖燉蛋，重蛋香、焦糖亦夠香脆，如果鍾意食焦糖燉蛋嘅朋友就一定要試吓

_ 飲品方面可以配上咖啡或花茶，今次小編同朋友就揀咗熱泡沫咖啡(+$20)同龍眼樂園花茶，大家黎到可以試吓佢哋嘅花茶，味道清新有助解膩 _ 地址 Deer Kitchen 荃灣楊屋道1號荃新天地一期地下G06wA,G06B&G07號舖 ________________________________________ 想知更多飲食資訊？即刻Follow @sohyeon_sharing 留意最新推介喇🤩