台灣師大夜市過江龍人氣滷味店 必試特色蛋餅蚵仔酥

之前見好多人介紹呢間喺旺角同銅鑼灣都有分店既台灣滷味專門店，今次同朋友喺星期日下午茶時間嚟，都等左一陣間先入座，人氣滿分!留意番餐廳有最低消費

_ 滷味 $36 嚟到就梗係要試吓佢哋嘅招牌滷味啦，餐廳有提供多達40款配料選擇，今次小編就揀左三款有廚師推介嘅配料，包括大腸、豬耳朵同冬粉 上枱嘅時候熱辣辣，個滷汁帶甜又有少少藥材味🥳小編特別推介大腸！好正好厚肉，值得一試

_ 人氣爆漿蒽抓蛋餅（芋泥肉鬆）$48 網上見到咁多人推介所以都叫咗個蛋餅嚟試吓，味道都有驚喜 蒽抓餅食落夠酥脆，芋泥餡分量超多係偏甜既芋泥，肉鬆份量如果可以再多啲就更加好，小編比較鍾意重鹹香嘅蛋餅

_ 🦪板橋夜市蚵仔酥 $52 小編喺台灣嘅時候食過覺得蚵仔酥好好食 呢間嘅蚵仔酥裹粉有啲厚， 食落去都夠酥脆，蚵仔如果可以大粒啲就更理想

_ 蜂蜜荔枝紅茶(半糖) $27 餐廳亦有提供多款台式飲品，今次試嘅呢杯蜂蜜荔枝紅茶味道清新，有助解膩，下次有機會再同朋友再嚟試其他嘢食

_ 地址 燈籠滷味 (朗豪坊) (旺角) 旺角亞皆老街8號朗豪坊4A樓10號舖 ________________________________________ 想知更多飲食資訊？即刻Follow @sohyeon_sharing 留意最新推介喇🤩