荃灣綠野仙蹤主題Tea Set 置身於森林之中打卡嘆美食

之前同朋友去過銅鑼灣Sensu佢哋嘅抵食Tea Set，最近餐廳係荃灣開咗新分店，環境令人感覺置身於森林之中!下午茶時段同樣有提供另外一款主題嘅Tea Set，早排小編就同咗朋友一齊去試，$188嘅價錢已經包左8款甜、鹹點，性價比真心高，同樣有驚喜

_ 綠野仙蹤 THE WIZARD OF OZ ($188 For 2) 包括2杯冷泡茶 / 半價升級至無酒精飲品 +$58 每日2:30pm 後供應

餐點內容： 🔸布朗尼 🔸雲卷 🔸玫瑰蘋果撻 🔸鬆餅 🔹蝦多士 🔹日式炸豆腐 🔹芝士年糕 🔸香蕉奇亞籽乳酪杯 配合番分店嘅主題，今次嘅Tea Set擺盤具有心思，食物放置於木系擺設上，打卡一流🥰 甜點方面小編最滿意嘅係上次已經喺銅鑼灣食過嘅玫瑰蘋果撻同埋布朗尼，朱古力味幾濃郁 鹹點方面蝦多士味道香口惹味，其他款式味道正常

大食嘅朋友仔都唔使驚，大家可以加錢配多幾款額外嘅鹹點或甜點，今次小編就加咗 「+3 items (+$58)」，呢三款都係本身Set裏面冇㗎

_ 紅豆白玉抹茶布甸 抹茶布甸入口幾滑，不過白玉食落偏粉身，如果可以煙韌啲就更好 _ 🥠日式蕨餅 黃豆粉同抹茶味道都唔會太甜，不錯 _ 士多啤梨乳酪杯 乳酪係唔甜嗰隻，食落去配上士多啤梨幾清新 _ 飲品方面上次小編已經喺銅鑼灣試過佢哋嘅Outside In Collection，今次就試咗兩杯cocktail同mocktail，味道同樣清新易入口，小編同朋友都好滿意 ▪️So Hot (Non-Alcohol) $58

▫️So Din $68

_ 地址 Sensu 荃灣楊屋道1號荃新天地一期UG樓78號舖