觀塘工廈內必試高質壽喜燒 親民價日式定食

有無朋友仔鐘意食壽喜燒呢?小編就非常鐘意食啦!甜甜既醬汁配上牛肉一齊食實在一流🥰 早排小編就同朋友去咗呢間位於觀塘工廈主打日式壽喜燒的餐廳食嘢，餐廳裝修環境簡約 舒適，有種日式家庭嘅風格，另外店員仲會幫手係你面前烹煮壽喜燒，服務好好🤩 以呢個價錢黎講CP值都好高幾抵食

_ 小編見佢哋午市有提供set lunch，都會有提供關東壽喜燒鍋定食，一人一鍋$108起，不過嚟到就梗係試佢哋嘅Sukiyaki啦 呢度有提供三款不同產地嘅牛肉，小編同朋友今次兩個人都係揀咗食日本產A4 和牛🤤

_ 🥩日本產A4 和牛（120g) $458 附前菜、野菜拼盤、日本雞蛋、米飯、甜品 當天提供嘅三款前菜包括炙燒雞卷、和風小柱同醃製筍子，從前菜已經睇得出餐廳非常有心思🤩

_ 今次食嘅係關西風味嘅壽喜燒，先由肉開始烹煮，店員會先喺鍋子上塗上牛脂肪，將牛肉放入壽喜燒加入已預先調好味道的醬油，值得一讚嘅係店員會主動詢問客人嘅口味繼而喺醬油嘅味道作調節，牛肉沾上生雞蛋液一齊食好滿足，另外小編今次亦有追加試埋佢哋另一款澳洲M9黑毛和牛，澳洲和牛嘅肉味會比較重，小編比較鍾意日本A4和牛，食落去更軟諗

_ 食完之後再食埋吸收了醬汁的蔬菜，非常滿足，最後是日甜品係海鹽雪糕 為整餐畫上完美的句號

_ 地址 喰楽 觀塘開源道60-62號駱駝漆大廈3期9樓H號舖