長沙灣隱世有誠意台式小店 CP值高多款選擇

有冇朋友仔好鍾意食台灣野呢🇹🇼最近小編就發現喺長沙灣一條滿佈車房既街道中隱藏住一間木系文青風嘅台式小店 菜單有多款選擇，價錢仲好抵食!今次同朋友就試咗幾款嘢食，味道都唔錯㗎🤤

_ 台灣紅燒牛肉麵 $68 午市套餐呢個價錢已經包左兩款小前菜+飲品，非常抵食 牛肉麵湯底濃郁，長條型嘅牛肉呈現半肉半筋既狀態 食落去軟腍得來又彈牙 另外值得一提係佢哋嘅麵條係粗身嗰隻，食落去有咬口小編幾鍾意️

_ 🥚台式煎蛋餅 $45 講到台灣菜小編最鍾意食嘅就係蛋餅，不過留意番呢間嘅蛋餅喺下午茶時段先有提供㗎，餡料使用火腿同芝士，配上外層嘅番茄醬食落去香口惹味

_ 炸雞翼$20 另外午市套餐亦都可以加錢配上一款小食，炸雞翼有三隻，外皮香脆，味道唔錯

_ 蘋果綠茶 🥥百香果綠茶 小店有提供多款台式飲品選擇，小編選擇呢兩款飲品都係需要係套餐加$8，兩杯味道都比較清新，能夠消除油膩感，小編都幾滿意

_ 地址: 巷·弄 長沙灣順寧道26號康福樓地下4號舖