尖沙咀新開日式石燒店 多款肉類CP值高

有冇朋友仔同小編一樣都幾鍾意食日式石燒肉呢？🥳天氣凍除咗打邊爐之外燒肉都唔錯㗎 最近尖沙咀新開左一間日式石燒店🇯🇵餐廳提供各款燒肉套餐，價錢同質素都唔錯另外店員服務都唔錯，有主動介紹邊款肉要燒耐啲

_ 所有午市套餐均會配上白飯、前菜同麵豉湯，小編最欣賞係佢哋嘅麵豉湯內既豆腐雕左花，幾有心思

_ 🥩石燒A4和牛肉眼定食 $228 上枱見到和牛既雪花就知佢油脂滿滿，份量都算幾多，食落去肉質嫩滑之餘都算做到入口即溶🤤

_ 🥓厚切牛舌拼牛五花定食 $98 小編嘅朋友想一次試多啲嘢，所以就叫咗呢一個可以試到兩款唔同部位嘅定食，牛舌食落好爽有驚喜，牛五花味道正常 另外就算唔食牛肉嘅朋友仔呢度都仲有其他肉類可以比大家燒㗎

_ 小食+$15 炸嫩雞 有三舊仔，味道正常配埋沙律醬一齊食夠惹味

_ 另外呢度亦都有多款手調飲品，今次同朋友叫咗兩杯分別係草莓菠蘿同橘香白桃，兩杯味道都唔錯，小編比較推介草莓菠蘿 飲落清新解膩🥳另外餐廳亦都有養生熱飲提供

_ 地址 牛匠石燒 尖沙咀金馬倫道34-36A號福僑大廈地舖