坪洲小清新超人氣打卡Cafe 悠閒慢活嘆杯咖啡

長洲南丫島去得多，自然都想發掘啲新嘅地方去下 早排就同朋友去咗坪洲嚟個半天遊，人流相對其他離島冇咁多，行都行得都舒服啲，嚟到就梗係食食食同周圍影下靚相，有關小食同冰室介紹之後再出個post講，今次就同大家介紹左呢間去到坪洲基本上一定要試吓嘅打卡Cafe🥳我哋去嗰日係坐窗邊位，可以望到坪洲街景，不過留意番中午時段太陽會比較曬，大家可以自己衡量返想坐咩位置!

_ 一人份醬烤鴨胸薄餅 $58 嚟到見到枱枱都有叫所以叫咗嚟試吓，薄餅外皮十分香脆，鴨胸帶油香，食落去唔會太乾，等返嚟即叫即焗，所以要等大約20分鐘左右

_ 蘋果貝殼酥 $25 見到都幾多人推介呢個蘋果酥所以決定試吓，外皮好酥脆，內層既蘋果蓉唔會話太甜，份量都唔少，值得一試

_ ️Latte $38

London Fog $42 兩款味道都唔錯，小編特別推介佢哋嘅London Fog，其實即係玫瑰伯爵茶拿鐵🥳 飲落去伯爵茶味香濃，亦帶有玫瑰香，入口好順滑舒服

_ 地址 Island Table Grocer Cafe 坪洲坪洲永興街9C號地舖