將軍澳新開靚景日本料理 吸睛日式下午茶打卡一流

將軍澳海旁附近又有新餐廳啦，收到本自小編嘅朋友報料，將軍澳新開左一間日式餐廳，裝修以木系作主題，加上落地大玻璃的自然光感覺好舒服，今次就同朋友嚟試左佢哋嘅日式下午茶性價比都唔錯，另外值得一提店員嘅服務都非常好，有主動介紹，下次有機會都會再嚟試吓佢哋嘅日式料理

_ 花楽日式下午茶 $268 （兩位用） 話明係日式嘅下午茶，比較特別嘅喺呢度除咗鹹點同甜點之外都會有壽司

_ 下午茶內容： 🥑青瓜牛油果反卷 波子壽司 日本水果蕃茄 香炸紫薯餅 芥末八爪魚 鱈魚干 牙蔥牛肉卷 十勝紅豆蓉配小丸子 日式蕨餅 是日日式蛋糕 日本時令生果 （小編佢嘅當日係淡雪士多啤梨同香印提子）

_ 份量其實都足夠，味道都唔錯，唔會話有啲咩伏位，小編覺得佢哋嘅甜點做得幾出色，朱古力蛋糕夠香濃，不會太甜，另外時令水果全部都好香甜 鹹點方面提提大家牙蔥牛肉卷記得趁熱食，壽司方面就正正常常

_ 另外套餐係包左原壺花茶，餐牌有五款選擇，今次就揀咗日本水果茶，味道清新帶玫瑰香味，旁邊亦附有蜜糖大家可以自己調校甜度，唔鍾意飲花茶嘅朋友仔亦都可以加錢轉飲特飲、生啤、清酒等等，以呢個價錢來講絕對值得一試

_ 地址 花楽日本料理 將軍澳將軍澳唐俊街21號翩滙坊地下G23號舖