西環特色千層蛋糕小店 新派休閑下午茶 ️

前排見到唔少人推介呢間主打多款口味千層蛋糕嘅小店，餐廳由新加坡人創立，小編見到佢哋以新加坡飲食概念嘅Tea Set幾吸引，最近趁得閒終於同朋友嚟咗試吓 估唔到味道有驚喜!

_ Tea set供應時間由14:00pm-17:30pm 包括一件千層蛋糕、一款精緻鹹食、精品咖啡/花茶都只係$138，價錢真係好抵食

_ #手工堡 可以選擇免治雞肉堡或海鮮蝦堡，小編今次就揀咗海鮮蝦堡，食落去都幾特別，採用蝦同魚製作而成，爽口彈牙，配埋醬汁份量啱啱好

_ #千層蛋糕 可以自選口味一款，款款口味都係限量供應㗎 小編今次就揀咗士多啤梨玫瑰千層蛋糕，班戟皮薄，奶油份量適中，值得一讚係真係好重玫瑰香味，食落去不會過甜

_ 甜點仲有全港獨創以新加坡傳統菠蘿酥改良製作嘅鬆化金豬菠蘿酥 外型真係非常可愛，食落去甜度亦有減低，配埋奶味濃郁嘅莓香奶凍，酸酸甜甜幾開胃

_ 套餐仲會包括一杯咖啡飲品/ TWG新加坡紅茶，另外呢度店員服務態度都非常好，有主動介紹亦有比新產品我哋試吓，整體用餐體驗不錯 _ 地址： Shaz Confections 西環西營盤第一街21號地舖