尖沙咀新開平靚正高質日式燒肉 舒適闊落服務超好

有冇朋友仔鍾意食燒肉呢？最近尖沙咀新開左一間佔地4000呎嘅日式燒肉店 感覺就好似去咗日本咁!新店開業有折，小編同朋友係平日晏晝嚟都爆場🥳 大家嚟之前可以預約定! 另外值得一讚店員嘅服務非常好，整體進食體驗非常唔錯

_ 🥩九宮格燒牛盛合 $288 鍾意食牛嘅朋友仔一定要叫嚟試吓 一個價錢可以食晒九款唔同既牛肉，包括A4和牛、頂級牛小排、厚切牛舌腩、Prime牛肉眼、安格斯牛仔骨、骰仔牛梅花、壺漬牛肋肉、芫茜辣漬小牛扒、汁燒護心肉🥳小編最愛就梗係A4和牛啦，油花充足食落去都有少少入口即溶嘅感覺 另外提提大家燒肉最好食咗冇調味嘅先

_ 燒肉店亦有提供其他配料選擇，我哋都叫咗幾款嚟試吓，小編幾鍾意佢哋嘅雞腎同雞翼，份量都非常充足，另外佢哋既調味味道啱啱好

話說我哋都叫咗好多蔬菜類 粟米幾清甜，燒肉同時都要食返多啲蔬菜平衡下

_ 小編最後都有叫到兩款甜品嚟試吓，包括抹茶泡芙、黑糖珍珠千層蛋糕味道都唔錯，大家食完燒肉都可以食埋個甜品先走

_ 地址 驚安燒肉商店 尖沙咀金馬倫道48號中國保險大廈3樓C號舖