深水埗高質親切咖啡小店 煩囂街道中的一點恬靜

深水埗大南街果邊出名多Cafe，今次小編就同朋友去咗一間位於大埔道嘅咖啡店食嘢! 餐廳地方比較細只係得四個位，不過環境都幾舒適寫意，灰色牆身有幾幅插畫，望住嘆番杯靚咖啡都幾正㗎

_ 🥗Wills All day breakfast $96 （套餐價） 特別值得一提嘅係炒菇既蒜味非常濃郁，蛋食落都幾嫩滑，配埋茄汁豆、煙肉、車厘茄同腸仔等配料一齊食都好滿足

_ 🧇牛角包窩夫 $52 （套餐價） 聽聞舖頭嘅牛角包同Bagel都非常出名，除咗平時食開鹹嘅牛角包之外，呢度仲有甜品㗎️!店主話趁聖誕限定所以上面仲有一個小裝飾，即刻充滿節日氣氛️今次揀咗棉花糖朱古力口味嘅窩夫，窩夫嘅外型同時食得出牛角包嘅質感，平時比較少見，小編特別推介大家可以試吓

_ ️Espresso Tonic $36 特別鍾意佢嘅漸層，打卡一流 咖啡酸味幾突出，飲落去都幾清爽

_ 曲奇忌廉沙冰$40 成日都話最邪惡嘅嘢係最好味，呢杯曲奇忌廉沙冰非常飽肚，不會過甜，面層忌廉上的Oreo令到整杯飲品層次感更加豐富

_ 地址 Will's Coffee 深水埗大埔道75號威信大廈地下2號舖