葵芳必試「豬」主題多國菜 超豐富小食分享拼盤

各位食肉獸係時候出動啦！早排見網上唔少推介呢一間專食豬嘅餐廳，最近同朋友經開葵芳決定嚟試吓，估唔到質素都唔錯有驚喜! Menu果然同餐廳嘅名一樣好多有關「 豬」既菜式 另外值得一提係餐廳嘅裝修亦有加入左不少特別元素，例如牆壁上有好多生動趣既壁畫，整體用餐體驗更加豐富。

_ 🥗牛油果香芒大蝦沙律 $158 餐廳有提供多款沙律選擇，小編幾推介呢個沙律，食落去辣辣地又酸酸甜甜非常開胃，芒果片非常清甜配上爽彈的大蝦口感更加豐富，配埋牛油果同青瓜一齊食非常滿足

_ 🦴小食分享拼盤 $288 上枱嘅時候見到勁豐富，果然同朋友一齊share食更加開心🥳各款小食包括蘇格蘭雞蛋、豬皮脆片、脆豬肋骨、迷你牛肉漢堡、香料雞翼、蟹餅、酥脆魷魚圈同薯圈 ️仲有提供多款醬汁，每一口都有唔同嘅風味

🏻尤其係蘇格蘭雞蛋，外層炸至金黃香脆，配上軟滑雞蛋一齊食 更有層次

_ 🥩 US Prime Angus Ribeye Steak $310 今次就叫咗五成熟，肉眼扒配上紅酒汁恰到好處，食落去冇根亦帶有牛肉味，大大塊絕對唔需要驚唔夠飽，配埋粗薯條同蘆筍配搭得宜

_ 瘋狂！ 香蕉雪糕新地 $88 食到最後梗係要叫甜品畫上一個完美嘅句號啦 餐廳提供嘅五款甜品都非常吸引，新地非常大杯，焦糖香蕉外脆內軟，配上雲呢拿雪糕和朱古力醬幸福感滿滿，另外仲有香脆窩夫🧇

_ 餐廳提供多款特色酒精或非酒精飲品， 今次小編同朋友試咗兩款味道都唔錯，飲品打卡一流 Pineapple Mimosa $98 Pink Piggy $62

_ 地址 The Salted Pig 葵芳興芳路223號新都會廣場5樓531及540號舖