大埔新開酒吧餐廳必試高質法國菜 擺盤超靚睇得又食得

記得好耐之前小編介紹過喺太和中心嘅串燒酒場，今次經朋友介紹去咗太和中心一間新開嘅酒吧餐廳。一入門口就目見倒輝煌既水晶燈，仲有發光既酒櫃🤩同朋友嚟鬆一鬆感覺好chill㗎🥳值得一提嘅係餐廳所有食物擺盤都非常有心思，啱晒打卡之餘味道都唔錯㗎，值得一試

_ Set Dinner 套餐包左是日餐湯、一款小食同甜品 我哋去嗰日餐湯係黑松露蘑菇湯，黑松露味道非常香濃，配埋蒜蓉包一齊食啱晒️

_ 🥓Ham & tricolor melon with port wine 經店員嘅推介之後揀左呢杯波特酒釀三色蜜瓜、火腿，食落去酒味都幾重，尤其食蜜瓜嘅時候味道更出，搭埋parma ham一齊食幾開胃

_ 慢煮西班牙黑毛豬鞍配焦糖蘋果 $398 黑毛豬鞍經慢煮烹調厚肉得嚟滿滿肉汁，食落沒有豬羶味️!小編特別鍾意佢作為伴碟既焦糖蘋果，薄薄的蘋果片表面充滿焦糖食落幾清新，有助解膩🤩

_ Dream $118

Sexy on Tree $98 之前見網上好多人都推介呢杯叫Dream嘅雞尾酒️，重點係泡沫爆破既瞬間，煙霧瀰漫，好夢幻!好彩小編叫嘅呢兩杯都有泡沫係面，事源有一個無端端自己爆咗🤣酒味不算濃，平時唔飲開嘅朋友就應該都會接受到

_ Tom & Jerry $98 冇錯！呢兩舊芝士係甜品嚟㗎，芒果Mousse同雪糕結果整成芝士外型，好得意，味道亦都不會過甜

_ 地址: L'AMOUR 大埔翠和里太和中心地下38號鋪