銅鑼灣必試超足料羊腩火鍋 超大盤抵食高質牛肉

早排見到IG有唔少人推介呢間位於登龍街樓上新開既羊腩火鍋專門店，最近天氣開始凍最啱打邊爐，所以決定同朋友嚟試吓! 講到餐廳嘅最大特色除咗有足料羊腩煲之外，最吸引最啱打卡既一定係超大盤嘅牛肉，仲有唔同價位選擇，整體質素唔錯值得一試 _ 羊腩火鍋（二人份量） $268 平時食羊腩煲最怕羊肉嗰陣羶味，估唔到呢個羊腩煲味道非常入味，羊肉完全唔羶，配埋枝竹同冬菇等配料吸晒精華!小編建議可以自己叫啲菜類吸湯:D

_ 🥩肉類方面我哋就試咗兩款牛肉 頂級Prime牛小排(330g) $260 封門柳 $200 上抬嘅時候見到份量小編都嚇咗一跳，不過對於鍾意食牛嘅朋友仔份量係正常🤣 牛肉肉質嫩滑 食落去幾有牛肉味

_ 除咗平時喺其他餐廳都常見嘅火鍋配料之外，呢度亦都有啲特色嘅小食同火鍋配料選擇️ 🥠即炸糖醋響鈴 $58 超級大條外皮好香脆，放入羊腩煲湯底一齊煮非常吸味

_ 🥚紅酒蕎頭糖心皮蛋 $20 呢個小編特別推薦，食落去酸酸甜甜好開胃，平時鍾意食皮蛋嘅朋友一定要叫嚟試吓

_ 打邊爐點可以唔叫飲品啊，餐廳做緊生啤買一送一，另外仲有其他酒類飲品同非酒精特色飲品，嚟到都可以叫嚟試吓

_ 配料價錢參考： 鹹蛋黃墨魚餅 $68

日本雞腎 $58

梅酒浸鮮桂花蚌 $48 梅酒浸爽口珊瑚蚌 $38

水鮮魷 $48

鱔片 $98

蔬菜（娃娃菜、生菜等等）每款$28

_ 地址 我是羔羊 義 羊腩火鍋專門店 銅鑼灣登龍街28號永光中心25樓