深水埗新開小清新咖啡店☕ 城市中的小綠洲

深水埗越開越多咖啡廳，小編已經好努力同朋友周圍去試不過始終追不上進度，今次就同朋友趁平日嚟咗呢間以草木為主題既咖啡廳，店舖空間感頗大，位置都算幾多下，加上咖啡廳播緊一啲令你置身於森林既音樂，整體感覺都唔錯! 價錢算平，不過食物質素一般，綜合整體都可以一試嘅。不過當日小編去到出現漏單嘅情況，大家需要注意下。

_ Iced Long Black$40 好易入口，小編就嫌味道較淡，唔係好飲到咖啡豆香既味道，不過勝在夠大杯，個杯幾特別攞嚟影相都唔錯

_ Latte$40 飲落好大浸杏仁奶嘅味道，咖啡味唔重，拉花就一般般

_ 🥧伯爵茶英式鬆餅$30 好香茶香味，口感結實豐富，送上黎既時候會幫你加熱同埋附送cream同jam，鍾意伯爵茶嘅朋友仔應該會幾鍾意️

_ 地址: The Soulroom 一草一木 深水埗基隆街102號