沙田和風日式炙燒丼 多款小食必試大塊南蠻炸雞

話說小編有朋友特別鍾意食日本嘢，呢排無得去日本🇯🇵唯有食住日本野止下癮先， 朋友就推介呢間餐廳食午餐，餐廳裝潢走日式簡約風，天花掛住燈籠小豬好得意!位置都坐得幾舒服

_ 特上日本豚肉飯 $112 所有午市套餐都有配上沙律🥗，另外可以優惠價錢加配飲品

️據炙燒肉係佢哋嘅招牌菜，所以今次又叫咗佢哋嘅豚肉飯嚟試吓，每片豚肉帶有一定厚度， 味道濃郁帶油香，配上旁邊嘅菇菌一齊食配合得宜

_ 火炙豬腩肉辣味噌豬骨拉麵 $88 拉麵係比較幼身，辣味噌湯底但係有輕微辣味，小編覺得本身如果係唔食辣都應該接受倒! 豬腩肉十分軟諗入味!另外入面仲有粟米同金菇等配料，味道都唔錯

️_ 🥟沖繩豬煎餃 3件 $22

迷你南蠻炸雞 $25

午市套餐可以加錢換小食，特別推介炸雞， 超級大件，配上沙律醬一齊食好夾，加上旁邊一絲絲嘅彩椒絲，食落去較為清新 _ 地址: ABURI-EN  沙田正街18號新城市廣場第三期2樓A215號舖