旺角必試裝修精緻日本料理 多款選擇氣氛一流

早排同朋友去旺角買完野之後想食日本野，見到網上幾多人推介就去咗呢一間裝修風格有啲似日本居酒屋嘅日本料理，環境都幾闊落同舒服，可以一試👍🏻🇯🇵

_ 午市套餐： 汁燒霜降和牛粒溫泉蛋丼 $168 午市套餐包左麵豉湯、是日小食同和風沙律🥗

_ 和牛分量充足，食落去肉質鬆軟帶有牛肉香味，配上燒汁同溫泉蛋一齊食非常滿足，同時飯面亦有佈滿椰菜，能夠減輕油膩感，層次感更加豐富✨ _ 各款壽司🍣 藍鯨拖羅/蒽粒吞拿魚手卷/劍魚腩/立魚/蒲燒鰻魚/日本芝士蟹棒 嚟到就梗係要試吓佢哋嘅壽司啦💜 壽司飯有預先調味，食落去都好新鮮，特別推介藍鯨拖羅，油香味滿滿，食過返尋味😋

_ 🥚茶碗蒸 $18 話說小編既朋友次次食日本嘢都會叫茶碗蒸嚟試吓，呢間茶碗蒸食落去都好滑口

_ 🥣蜆肉麵豉湯 $22 鍾意食蜆肉嘅朋友仔千其唔可以錯過，蜆肉份量非常充足，另外小編見到旁邊幾台都有叫到清酒煮蜆，下次有機會試吓先👍🏻

_ 地址🗺 長阪燒 旺角砵蘭街189號2樓