荃灣性價比高的西餐廳 海景舒適戶外晚餐

講到荃灣海之戀大家應該都會即刻諗到Donki 🤣不過其實商場入邊都有好多特色餐廳，今次就同朋友去咗位於3樓嘅西餐廳，環境有驚喜 😍餐廳有提供室內同室外嘅位置，夜晚坐喺出面都幾有feel💜今次就同朋友試咗其中兩個晚市套餐，質素都唔錯，值得一試☺️

_ 🥣忌廉蟹肉龍蝦湯/是日雜菜湯 兩款餐湯都有跟一個餐包，睇樣以為好硬但係食落去都幾鬆軟👍🏻龍蝦湯上面加咗忌廉令到成個湯 層次感更加豐富，雜菜湯內亦有多款蔬菜，各有特色😋

_ 🫔芝士雜菌菠菜忌廉雞焗農夫包 $88 晚市套餐包左餐湯、飲品、主食同甜品，非常抵食☺️農夫包焗到外皮非常香脆，配上濃郁嘅芝士醬汁，食落去又唔會覺得油膩，雞肉嘅份量都唔少，絕對夠飽😌

_ 🐟烤石斑魚柳配芥末籽燒汁 $98 魚柳肉質都算幾滑😙值得一提旁邊熱辣辣既薯條十分香脆，鍾意食魚嘅朋友仔絕對唔可以錯過🤩

_ 🍗意式炸雞翼 +$18 套餐可以追加小食😋小編嘅朋友特別鍾意食雞翼所以今次就加咗$18有三隻雞翼，雞翼炸到金黃色，調味啱啱好👍🏻

_ 🍹芒果百香果青檸特飲 （跟餐+$24） 味道好清新，飲落去唔會太甜，百香果嘅份量都好充足

_ 🥂芒果菠蘿沙冰特飲 （跟餐+$22） 菠蘿同芒果配搭真係冇得輸，飲落去清甜解渴，餐廳亦有提供多款味道選擇

_ 跟餐甜品：朱古力醬香蕉忌廉薄餅

自家製朱古力心太軟 （跟餐+$28）

食到最後就梗係要食個甜品滿足下自己啦，小編特別推介佢哋嘅心太軟，呢個價錢擺盤都算幾靚，唔好睇佢細細舊但係都做到流心嘅效果，朱古力味濃郁不會過甜，另外餐廳亦有提供多款自家制甜品有興趣可以試吓😃 _ 📍WM Café and Bar 荃灣大河道100號海之戀商場3樓3094號舖